حيرة اعدادي                  

حيرة اعدادي                  

هنتكلم النهاردة عن موضوع مهم الي حد كبير اللي هوا ازاي اختار القسم اللي هدخله في الكلية

طيب ايه احسن قسم؟

طب هما عمارة فرافير؟!

طيب مدني هو قسم أدبي بتاع هندسة……..

وغيرو وغيرو كتير كلام هتسمعه وتريقة كتير علي كل الأقسام بلا استثناء

طيب والحل ؟

الخلاصة هنا انك بتختار القسم اللي بيتناسب مع ميولك وقدراتك وده بيبقي عن طريق انك بتعرف المواد اللي هتدرسها في كل قسم وفرص العمل المتاحة فيما بعد الكلية و مميزات كل قسم وعيوبه بالنسبة ليك انت بس.

وده اللي هنحاول نقدمه ليك في مقالة النهاردة لأكثر الاقسام شهرة

ف يلا بينا نخش في التفاصيل

1. قسم الهندسة المدنية :

أول قسم معانا النهاردة و من اكتر الاقسام اللي ممكن تسمع تريقة عليه كتير! وده بسبب ان المواد بتاعت القسم سهلة مقارنة بغيرها من الاقاسم ولكنه مع ذلك بتلاقي اقبال كبير من الطلبة علي القسم ده . طيب ليه كل ده ؟

أقولك أنا . قسم الهندسة المدنية بيمتاز علي عكس الفكرة المنتشرة عنه انه قسم تصميم وتنفيذ للمنشآت فقط لا غير الا انه فيه فروع كتير داخل القسم زي مثلا

  1. هندسة التربة والاساسات : ودي من خلالها بتقدر تتعرف علي خواص التربة وهل التربة دي تقدر تشيل المبني او لأ وده بيخليك تقدر تصمم وتشتغل صح من حيث التربة
  2. هندسة النقل والمرور : أظن من الصعب شوية انك تتخيل انه فيه هندسة بالاسم ده ولكن مع ذلك ليها اهمية كبيرة في حياتنا من حيث تنظيم المرور و تخطيط برامج النقل وهندسة السكك الحديد وانها توفر اماكن لوسائل النقل وتنشأ القواعد المرورية اللي بتعمل علي فرض النظام علي الطرق عامة و بتقلل من نسبة الحوادث.
  3. هندسة الانشاءات: هنا بقي بتدرس ازاي بيكون التصميم الانشائي للمباني بشكل عام وبتعرف ازاي بيتم تنفيذ المنشآت دي ومراحل تنفيذها و بتدرس كمان المواد اللي بنستخدمها في الانشاء وكيفية الحفاظ عليها وتخزينها بشكل سليم للحصول علي اعلي كفاءة منها.
  4. هندسة مصادر المياة والصرف الصحي : هنا بتهتم بالمياه وكيفية نقلها وتوصيلها للمستخدمين اللي هما انا وانتا والبيوت كلها بشكل عام وكمان متنساش الاراضي الزراعية وبتدرس ايه الفواقد اللي ممكن تحصل للمياه واسباب التلوث و ازاي توصل المياه بأقل خساير وازاي كمان تصرف المياه بعد الاستخدام ومش كده وبس لأ كمان بتدرس المنشآت اللي بترتبط بالمياه زي السدود و الجسور و الهدارات وغيرها

وبكده نكون اتكلمنا عن القسم بشكل يديك فكرة أوضح شوية عنه

ندخل بقي علي الجزء التاني من كلامنا وهو المواد اللي هتدرسها في القسم ده

المواد بتنقسم لنوعين

  1. مواد تخصص تبع القسم: ودي بتبقي مواد تبع تخصصك وبتكمل معاك لآخرسنة في الكلية وبتكون مترتبة علي بعضها ولازم تكون مهتم بيها جدا زي الاستركشر والمساحة والخرسانة والسويل.
  2. مواد من الاقسام التانية : ودي فكرتها انك تكون مهندس فاهم بعض الأساسيات من شغل المهندسين اللي أكيد هتختلط بيهم في شغلك لأن انتا مش هتشتغل لوحدك في الموقع ودي زي الرياضيات و الانشاء المعماري وهندسة التركيبات والمعدات الكهروميكانيكية.

احنا كدا خدنا فكره عن قسم مدني و المهتم بيه نلقاكم في مقالة جديده توضح مخارج ومداخل الاقسام الاخرى و ازاي نختار القسم بتاعنا و نشوف مع بعض دماغنا رايحه لايه.

انتظرونا في حيرة اعدادي هندسة الجزء الثاني

حيرة هندسة
مهندستنا, انتظري نبذة حول قسمك المناسب

<<لو مهتم بالكلام ده وحاسه ممكن يفيدك ما تنساش تثبت وجودك بتعليق ولو حتي ب تم لدعمنا واي جي مقاولات عامة>>

BY/ M.G

Engineer Mohamed Youssef

خبير التسويق الإلكتروني وطرق عمل محركات البحث, وأعمل على تحسين محركات البحث (SEO) civil engineer / mohamed youssef مهندس مدني مع مجموعة من المهندسين المتفوقين في تنفيذ الاعمال الهندسية 1. مهندس محمد جمعة فضالة 2. مهندس محمد كرم سلامة

لا تعليقات بعد على “حيرة اعدادي                  

اترك تعليقاً

لن يتم نشر عنوان بريدك الإلكتروني.

error: Content is protected !!
افتح الدردشة
اترك تفاصيل خدمتك ...............
اهلا بكم في منصة واي جي للخدمات المنزلية
تحدث الى المختص مباشر
Powered by